Con P de PAZ

Abrimos hoxe este blog

como quen abre unha ventá

con A de sentir ÁNIMO,

con F de FALAR,

con H de HARMONÍA,

con M de MEDRAR,

con D de DICIR cousas,

con C de CAMIÑAR.

Abrimos este blog

para ESCRIBIR e SOÑAR.

Farémolo con verbas

que chamen pola PAZ.

Ana María Fernández

Manifesto pola Paz do noso Centro

Paz para espallala entre as persoas.

Para evitar o maltrato.

Para a violencia doméstica.

Para a igualdade de xénero.

Para que os pobres teñan refuxio e comida.

Para que non pelexemos nunca.

Para que vivamos mellor.

Para que o mundo sexa máis tranquilo.

Para que non haxa pelexas na nosa terra.

Para sementar amor e esperanza.

Para que ninguén chore e todas as familias vivan felices.

Para que no mundo haxa alegría, amizade e tranquilidade.

Para esquecer a maldade.

Para que non haxa máis crimes.

Para que desapareza a pobreza.

Para que desaparezan os insultos.

Para que sexamos amigos.

Para vivir en harmonía.

Para que sexamos solidarios.

Para esquecer as bágoas.

Para Israel e Gaza.

Para Sudán e Kurdistán.

Para tantas guerras que escondidas están.

Para que nunca…

nunca…

nunca…

falte o pan.

Benvidos ao blog do CEIP Concepción Arenal

Nace dende hoxe o blog do CEIP Concepción Arenal da Coruña, onde atoparás todas as novidades do colexio así como toda a información posible.